www.landbou.com |
"Die Wet op Astronomie en Geografiese Voordele maak dit vir Shell onmoontlik om met sy planne voort te gaan."
Deur Amelia Genis
Die brandstofmaatskappy Shell se planne om vir skaliegas in die suidwestelike Karoo te prospekteer en dit uiteindelik deur hidrouliese breking te ontgin, kry nou sterk teenstand van wetenskaplikes by die SKA- (Square Kilometre Array) projek. Dr. Adrian Tiplady, projekbestuurder van die SKA-radioteleskoopprojek buite Carnarvon in die Noord-Kaap, sê die SKA-projek en eksplorasie- of mynbedrywighede is onverenigbaar.
So sal die SKA-projek omtrent lyk |
Tiplady sê hulle is ook bekommerd dat seismiese steuring die werking van radioteleskope kan benadeel. "Die Wet op Astronomie en Geografiese Voordele dek alle bronne van steuring en beskou rnyn- en eksplorasie-bedrywighede as bronne van steuring."
Op 'n vergadering van die parlementêre portefeuljekomitee vir wetenskap en tegnologie in Maart het mnr. Val Munsami, adjunk-direkteur-generaal van die departement, gesê die intemasionale vennote in die SKA-projek het emstige vrae oor die uitwerking wat die eksplorasie op die radioteleskoopprojek kan hê. Op dieselfde vergadering het mnr. Nqaba Ngcobo, voorsitter van die komitee, gesê dat die Minister van Wetenskap en Tegnologie kragtens die Wet op Astronomie en Geografiese Voordele aIleen die reg het om die gebied waarin die SKA in werking is, te reguleer. "Die wet maak dit vir Shell onmoontlik om met sy planne voort te gaan."
No comments:
Post a Comment